قصيدة .. ناس وناس

يا كل محبوس فى أحزانه وعاش والزمن خانه
يا كل ماشى من غير أمل ومات قبل مايجيه الاجل
يا كل عين بالدموع مليانة نفسها تبكى بس الدموع عصيانة
شايفة الحيتان شرقانة وملايين جنبها عطشانة
نــــــــــــاس نفسها تفرح وناس من كتر الفرح زهقانة
نـــــــــــاس نفسها تشبع وبطون بكل لون مليانة
ناس لابسة حرير فى حرير وأجسام فى عز الشتا عريانة
نـــــــــاس نايمة وبتشخر وعيون طول عمرها سهرانة
نـــــــــاس أموالها ما يتعدوا والفقرا فى بلادى ما يتعدوا
وناس باشارة ... بيعدوا ونـــاس يتشتموا مايردوا
ناس تهمس كل البشر يسمع وناس تصرخ وفى ثانية يتخرصوا
ناس تقتل والكل بيسقف وناس تبلع ريقها يتعدموا
والناس.. ماشية ما تتكلم ساكتة وجروحها بتتألم
غضبانة بس الخوف ملجمها وآمالهم فى سجن اليأس حبسينها
ما تيلا بينا نفوووووووووووق وخوفنا نردم عليه الشق
دا احنا ضعنا وضااااااع الحق من يوم ما ضاعت منا اللاء

شكرا امجهودك العظيم ده

الشكر لله أختى الفاضلة وبارك الله فيك وجعل جهدنا خالصا لوجهه وجعله فى ميزان حسناتنا