نستاهل كل اللى بيجرى لنا

نستاهل كل اللى بيجرالنا *** علشان ساكتين ع اللى بيجرالنا
قاعدين كدة فى دارنا *** ونقول ببساطة دا قدرنا
بنكدب على روحنا ونصدق*** وفى شبر مية وبنغرق
ونطاطى راسنا لكل نسمة بتعدى *** وان قابلتنا حفرة نقف وما نعدى
ماشيين مع الزفة بسرعة*** بنسرع ولما بتهدى بنهدى
نسمع والجواب حاضر*** نمشى والطريق مسطور
واوعاك تتهف وتفكر*** عيش جبان تموت مستور
ارفع ايدك وقول أنا موافق*** سقف .. دا الكل بينافق
وان طق فى يوم واحد منا *** وقال: اصحوا بقى فوقوا يا اخواننا
فوتوا قبل الأوان ما يقوت*** ارجعوا قبل ما يفاجئنا الموت
مسك لسانه ألفين ايد*** وسجنوا صوته جوة حديد فى حديد
ودا كله ليه ماعرفش
خوفنا ما ليهشى حدود*** بسكوتنا قوينا الشر
وبقينا للظلم جنود*** وامته هنعود للحق ؟!
امته هنعود للحق؟!*** وننطق ولو لمرة كلمة لاء

تسلم ايدك يا جميل ونريد المزيد ******مواضيعك هايله والله

الله يكرمك يا قمر دا انت اللى هايلة وجزيت خيرا على مرورك الطيب

بجد قصيده تحفه
وفعلا كل مواضيعك هايله
تسلم ايدك